Tysiačy čałaviek sa ściahami i pachodniami pierakryli centralnyja vulicy stalicy Ukrainy.
1 studzienia ŭ 18:00 u Kijevie (19:00 pa Minsku) pačałosia šeście z pachodniami, pryśviečanaje 106-hodździu Ściapana Bandery. Spačatku ŭ parku Šaŭčenki sabrałasia kala 2000 čałaviek, potym, pa samych prybliznych padlikach, da ich dałučylisia jašče para tysiač aktyvistaŭ.
U asnoŭnym heta — «svabodaŭcy» i ŭdzielniki «Pravaha siektara».
Ale ŭ natoŭpie bačnyja i maleńkija dzieci, i piensijaniery. U rukach u ludziej — čyrvona-čornyja ściahi i zapalenyja pachodni.
Napieradzie kałony jedzie mikraaŭtobus z hučnahavarycielami. Adtul razdajucca nacyjanalistyčnyja łozunhi. «Pravy siektar» niasie vielizarny čorna-čyrvony banier z partretam Bandery. Natoŭp pierakryŭ centr Kijeva — spačatku bulvar Šaŭčenki, potym Biesarabskuju płošču i Chryščacik.
«Aliharchaŭ na nažy, kamuniaku — na hilaku», — skandujuć mitynhoŭcy i pa darozie prapanujuć dałučycca da šeścia.
Tradycyjnaje šeście projdzie pa centralnych vulicach Kijeva. A skončycca marš, chutčej za ŭsio, na Michajłaŭskaj płoščy. Achoŭvajuć prachod kala 300 milicyjantaŭ i bajcoŭ Nacyjanalnaj hvardyi.
