Rysavy piroh moci. Fota z «Vikipiedyi».
U Japonii padčas navahodnich śviatkavańniaŭ dzieviać čałaviek zahinuli ad udušeńnia japonskim rysavym pirahom moci. Jašče 13 čałaviek špitalizavanyja ŭ ciažkim stanie. Štohod u Japonii niekalki čałaviek pamirajuć, padaviŭšysia rysavym pirahom moci, adnak u hetym hodzie kolkaść achviar nadzvyčaj vysokaja.
Moci — tradycyjny japonski pačastunak, jaki hatujecca z rysavaj masy. Praz heta jon vielmi klejki, ciažka žujecca i hłytajecca. Asabliva prablematyčna prahłynuć moci pažyłym ludziam, jakija čaściej za ŭsich stanoviacca achviarami piraha.
U asnoŭnym moci spažyvajecca ŭ pieršym tydni studzienia, padčas adznačeńnia Novaha Hoda.
Japonskija ŭłady pastajanna nahadvajuć, što pirahi moci treba razrazać na maleńkija kavałački, kab ich było lahčej prahłynuć, i što nie treba jeści moci ŭ adzinocie.
ŚMI paviedamlajuć, što adzin z papularnych sposabaŭ vyratavać čałavieka ad udušeńnia kavałkam moci — vysmaktać stravu z horła z dapamohaj pyłasosa.