Pradstaŭniki sietki aŭtazapravak «A-100» patłumačyli, što aznačaje pierachod kampanii na biełaruskuju movu.
«Naša meta – pašyreńnie moŭnaha asiarodździa, bo «A-100» – pryvatnaja sietka aŭtazapravačnych stancyj ź biełaruskim kapitałam. My pavažajem našu Radzimu, šanujem movu, hanarymsia biełaruskim», — kamientuje hiendyrektar HK «A-100 AZS» Iryna Vaładźko.
Pierachod na biełaruskuju movu budzie ažyćciaŭlacca pastupova. Pa-pieršaje, aficyjnyja veb-resursy buduć (i ŭžo častkova jość) biełaruskamoŭnymi. Pa-druhoje, apierataram rekamiendavana absłuhoŭvać klijentaŭ na biełaruskaj movie. Pa-treciaje, buduć zamienieny ŭsie rekłamnyja materyjały ŭ handlovych załach, źjaviacca cetliki na tavarach na biełaruskaj movie.
Kampanija adznačaje, što prahrama pierachodu na rodnuju movu budzie miakkaj i pavolnaj.
