U minskaj balnicy chutkaj miedycynskaj dapamohi 7 studzienia pamior 18-hadovy chłopiec, jaki atrymaŭ vielmi ciažkuju traŭmu pry vybuchu piratechniki ŭ navahodniuju noč.
Jak skazaŭ na pres-kanfierencyi 8 studzienia načalnik adździeła arhanizacyi miedycynskaj abarony pry nadzvyčajnych situacyjach Ministerstva achovy zdaroŭja Aleh Pančuk, małady čałaviek ustanaviŭ mahutnaje piratechničnaje prystasavańnie, jale jano nie spracavała, vybuch zdaryŭsia, kali chłopiec nabliziŭsia da piratechniki, kab vyśvietlić pryčynu. Udar prypaŭ na hałavu. U vyniku minčanin atrymaŭ paškodžańnie čerapa, mozha.
Pavodle apieratyŭnych źviestak, z 25 śniežnia 2014 hoda pa 7 studzienia 2015 hoda ŭ arhanizacyi achovy zdaroŭja z-za piratechničnych traŭm źviarnulisia 49 čałaviek, špitalizavanyja 16. Pryčym za čatyry vychadnyja padčas śviatkavańnia katalickaha Rastva (25—28 śniežnia) paciarpiełych ad piratechniki, jakija źviarnulisia ŭ balnicy, było dva čałavieki, adzin ź ich špitalizavany.
Z hałalodnymi traŭmami da miedykaŭ źviartalisia 1.718 čałaviek, u tym liku 173 dziciaci.
Jak zaznačyŭ Aleh Pančuk, «u śviatočnyja dni achova zdaroŭja, pavodle acenki ministra, Administracyi prezidenta i ŭrada, spracavała narmalna. Pracavali va ŭzmocnienym režymie».
