Padobna na toje, što abodva šturmy pačalisia sinchronna.

AFP paviedamiła, što zakładnik, jakoha ŭtrymlivali ŭ Damartenie braty Kuašy, vyzvaleny i znachodzicca ŭ biaśpiecy.

Radyjostancyja BFMTV paviedamlaje, što braty Kuašy nie brali zakładnika ŭ Damartienie. Mahčyma, adzin z supracoŭnikaŭ drukarni schavaŭsia ŭnutry, i braty navat nie viedali pra heta. Jak pieradaje karespandent Bi-bi-si ŭ Paryžy, hety supracoŭnik ciaham usiaho dnia tajemna infarmavaŭ palicyju. Aficyjnaha paćvierdžańnia hetych źviestak pakul niama.

Karespandent AR paviedamiŭ tady ž, što bačyŭ, jak palicejskija biaruć šturmam supiermarkiet kašernych praduktaŭ u 20-j akruzie Paryža. Adna žančyna vybiehła na vulicu. Miarkujuć, što siarod zakładnikaŭ — žančyny i dzieci.

Vyzvalenyja zakładniki kala kašernaj kramy.

Vyzvalenyja zakładniki kala kašernaj kramy.

Krynica ahienctva AFP paviedamiła, što braty Kuašy vybiehli na vulicu, stralajučy ŭ bok palicejskich. Pavodle infarmacyi palicyi, jany zastrelenyja palicyjaj.

Apieracyja pa vyzvaleńni zakładnika ŭ Damartenie.

Apieracyja pa vyzvaleńni zakładnika ŭ Damartenie.

Złačyniec, što zachapiŭ zakładnikaŭ u kašernaj kramie na ŭschodzie Paryža taksama zabity, paviedamiła hazieta Le Monde. 

U vyniku šturmu kramy byli vyzvalenyja 15 zakładnikaŭ, paviedamlaje ahienctva AP sa spasyłkaj na nienazvanaha izrailskaha čynoŭnika.

Hibiel čaćviarych zakładnikaŭ aficyjna paćvierdziŭ francuzski prezident u svaim telezvarocie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?