U Škłovie z-za avaryi na kanalizacyjna-pompavaj stancyi abmiežavana padača haračaj i chałodnaj vady ŭ žyłyja damy.
Jak paviedamiŭ BiełaPAN žychar Škłova, eks-kandydat u prezidenty Ryhor Kastusioŭ, užo druhi dzień supracoŭniki ŽKH nie mohuć likvidavać avaryju, tamu źnizili cisk u vodapravodzie, kab źmienšyć pastupleńnie ściokaŭ u kanalizacyju.
«Hetaja pompavaja stancyja znachodzicca kala mosta cieraz Dniepr i pierapampoŭvaje fiekalii z usiaho horada cieraz raku na ačyščalnyja zbudavańni.
Vady ŭ horadzie niama na druhich pavierchach i vyšej. Haračaj vady niama zusim», — skazaŭ Kastusioŭ.
U dyśpietčarskaj rajonnaha ŽKH paćvierdzili hetyja prablemy na kanalizacyjna-pompavaj stancyi, zaznačyŭšy, što robicca ŭsio dla adnaŭleńnia paŭnacennaha vodazabieśpiačeńnia.
