Hałoŭny abvinavačvany pa spravie ab zabojstvie Barysa Niamcova Zaur Dadajeŭ, jakoha śledstva ličyć vykanaŭcam złačynstva, u sudzie admoviŭsia ad pryznańnia viny, zajaviŭšy, što zrabiŭ heta pad ciskam.
EPA
«Davaŭ pakazańni pad ciskam. Pahražali mnie i majmu siabru-kalehu - takim čynam i supracoŭničaŭ», — skazaŭ Dadajeŭ padčas videakanfierencyi.
Heta zajava prahučała ŭ chodzie pasiadžeńnia ŭ Masharsudzie, na jakim razhladajecca zakonnaść aryštu piaci abvinavačanych. Sud pryznaŭ aryšt Dadajeva, a taksama jašče adnaho abvinavačanaha — Anzora Hubašava, zakonnym, a pytańnie ab miery strymańnia troch jaho mierkavanych saŭdzielnikaŭ adpraviŭ na pierahlad.
Pra toje, što Dadajeŭ skardziŭsia na katavańni i abhavaryŭ siabie, raniej zajaŭlali pravaabaroncy, jakija naviedali jaho ŭ SIZA. Pradstaŭniki Śledčaha kamiteta Rasii kazali, što Dadajeŭ pryznaŭ vinu i supracoŭničaje sa śledstvam.
Pradstaŭnik SKR raniej na pasiadžeńni Masharsuda ŭ sieradu zajaviŭ, što Dadajeŭ daŭ «pryznańni» suprać siabie i inšych zatrymanych.
Paśla zajavy Dadajeva ŭ sudzie śledstva zajaviła, što isnujuć i inšyja dokazy jaho viny.
