Mikoła Vołkaŭ. Artyleryja Niaśvižskaha zamka
Hetaja kniha budzie cikavaja nie tolki śpiecyjalistam-zbrojaznaŭcam, ale i ŭsim amataram historyi vajskovaj spravy.
Upieršyniu čytač atrymlivaje cudoŭnuju mahčymaść adkryć dla siabie novuju staronku historyi Niaśvižskaha zamka i słavutaha rodu Radziviłaŭ.
Artyleryja Niaśvižskaha zamka – unikalnaja źjava ŭ historyi ŭzbrajeńnia i liciejnaha mastactva. Harmaty, vykananyja ŭ kancy XVI – pačatku XVII st. pa zamovie mahnata Mikałaja Kryštafa Radziviła Sirotki, byli nie tolki daskanałaj zbrojaj svajho času, ale na doŭhija stahodździ stali ŭzoram vybitnaha dekaratyŭnaha azdableńnia.
Biełaruski historyk Mikoła Vołkaŭ udała spałučyŭ u svajoj knizie analiz techničnych i bajavych charaktarystyk niaśvižskaj artyleryi z raspoviedam pra prymianieńnie harmat u abaronie radziviłaŭskaj fartecyi, ich značeńnie dla mahnackaha rodu i pakručasty los u XIX–XX stst.
Kniha maje šykoŭnuju miakkuju vokładku, źmiaščaje 188 staronak cikaviejšaha tekstu i nasyčana kalarovymi fotazdymkami i ilustracyjami, bolšaść ź jakich publikujecca ŭpieršyniu.
Z asobnymi raździełami i źmiestam vydańnia možna aznajomicca tut.
Zamović knihu možna tut.
Alaksiej Šałanda. Tajamničy śviet biełaruskich hierbaŭ. Šlachieckaja hieraldyka Vialikaha Kniastva Litoŭskaha
Novaja praca Alaksieja Šałandy prapanuje ździejśnić zachaplalnaje padarožža ŭ tajamničy śviet biełaruskaj šlachieckaj hieraldyki.
Aŭtar upieršyniu na padstavie ŭnikalnych krynic raskryvaje sutnaść i šlachi raźvićcia takoha małaviadomaha fienomiena, jak klejnavyja hierby i vyjavy našych prodkaŭ.
Hrodzieniec Alaksiej Šałanda – śpiecyjalist pa hieraldycy i sfrahistycy Vialikaha Kniastva Litoŭskaha. Pracuje ŭ Instytucie historyi NAN Biełarusi. U 2000 h. abaraniŭ dysiertacyju pa temie «Šlachieckaja hieraldyka Biełarusi ŭ druhoj pałovie XVI – XVIII st.». Zasnavalnik i vydaviec navukovaha hieraldyčnaha časopisa «Hierold Litherland». Idejny natchnialnik i kaardynatar dziejnaści Navukovaj inicyjatyvy «Centr hienieałahičnych daśledavańniaŭ».
Kniha maje ŭniviersalny charaktar: heta adnačasova dapamožnik pa hieraldycy, papularny vykład historyi biełaruskich šlachieckich hierbaŭ i navukovaje daśledavańnie pa hieraldycy i sfrahistycy VKŁ kanca XIV – XVIII st.
Adsiul sapraŭdy možna daviedacca ab vytokach hieraldyčnaj tradycyi ŭ Biełarusi, ab tym, jak uzajemapierasiakalisia roznyja źniešnija ŭpłyvy z Polščy, Hiermanii, Francyi i inšych jeŭrapiejskich krain i nakładalisia na miascovy hrunt. Biezumoŭna, na postsavieckaj prastory hetaja kniha zojmie admietnaje miesca, bo vyłučajecca aryhinalnaściu i ŭ niečym siensacyjnaściu padadzienych źviestak.
Zamović knihu možna tut.
Anatol Trafimčyk. 1939 hod i Biełaruś. Zabytaja vajna
Kniha daśledčyka Anatola Trafimčyka pryśviečana najbolš supiarečlivym pytańniam, źviazanym z udziełam biełaruskaha naroda ŭ padziejach pačatku Druhoj suśvietnaj vajny.
Hałoŭnaja dumka knihi – Druhaja suśvietnaja vajna pačałasia dla Biełarusi mienavita ŭ 1939 hodzie, a nie dva hady paźniej paśla napadu fašysckaj Hiermanii na SSSR, jak heta śćviardžała staraja savieckaja histaryjahrafija i časta paŭtarajuć siońnia praŭładnyja historyki ź Biełarusi.
Aŭtar pastaviŭ pierad saboju zadaču: pahladzieć na pačatak Druhoj suśvietnaj vajny z racyi biełaruskich palityčnych i nacyjanalnych intaresaŭ.
Dziakujučy hetamu daŭno viadomyja fakty i acenki atrymali inšaje hučańnie i vymiareńnie.
Anatol Trafimčyk padrabiazna apaviadaje, jak Biełaruś stała prastoraj dla raźmiežavańnia ŭpłyvaŭ pamiž nacysckaj Hiermanijaj i kamunistyčnym Savieckim Sajuzam.
Aŭtar uščent raźbivaje štampy pra «vyzvalenčyja» matyvy ŭ palitycy stalinskaha Savieckaha Sajuza adnosna Zachodniaj Biełarusi, stvoranyja savieckaj ideałahičnaj mašynaj.
Dla Biełarusi sprava nie abmiežavałasia tolki «uźjadnańniem» jaje zachodniaj častki z BSSR. Dyj «uźjadnańnia» jak takoha nie było. A była chitraja kryvadušnaja palityka stalinskaj dziaržavy, jakaja pierastupała praz nacyjanalnyja intaresy i ludzkija losy dziela zapavietnaj mety – ažyćciaŭleńnia ŭ śviecie sacyjalistyčnaj revalucyi. Vialikaje miesca ŭ vydańni adviedziena reakcyjam hramadstva na palityku novaj savieckaj ułady na zachodniebiełaruskich ziemlach u pieršyja hady Druhoj suśvietnaj vajny.
U knihi Anatola Trafimčyka jość jašče adna pryjemnaja rysa - lohkaść vykładańnia i sakavitaść žyvoj biełaruskaj movy dazvolać atrymać asałodu ad lohkaha intelektualnaha čytańnia samamu šyrokamu kołu čytačoŭ.
Pa vynikach apytańnia «Radyjo «Svaboda» knihi Anatola Trafimčyka pryznana najlepšaj dakumientalnaj knihaj 2014 hoda.
U lutym 2015 h. kniha «1939 hod i Biełaruś: zabytaja vajna» atrymała prestyžnuju premiju imia Franciška Bahuševiča, zasnavanuju Biełaruskim PEN-centram, jak najlepšaja histaryčnaja kniha, vydadzienaja ŭ minułym hodzie.
Zamović knihu možna tut.
Piotr Druždž. Bitva pad Oršaj
Kniha polskaha historyka Piatra Druždža daje mahčymaść nie tolki bližej paznajomicca z chodam i charaktaram słavutaj bitvy pad Oršaj 1514 h., ale i zirnuć u śviet mižnarodnaj palityki ŭ Centralnaj i Uschodniaj Jeŭropie na pierałomie epochi Siaredniaviečča i Novaha času.
Aŭtar upisvaje Aršanskuju bitvu ŭ kantekst jeŭrapiejskaha vajskovaha mastactva, vydatna pakazvajučy jaje asablivaje značeńnie dla raźvićcia vajskovaj spravy ŭ Vialikim Kniastvie Litoŭskim pa jeŭrapiejskich uzorach.
U svoj čas hetaje vydańnie było pieršaj knižnaj publikacyjaj, pryśviečanaj hetaj važnaj padziei z historyi Vialikaha kniastva Litoŭskaha. Ciapier i biełaruski čytač atrymaŭ mahčymaść aznajomicca ź cikavymi nazirańniami polskaha historyka na padziei vajennaj i palityčnaj historyi kanca 15 - pačatku 16 stahodździa.
Kniha Piatra Druždža raźličana na samuju šyrokuju aŭdytoryju i źjaŭlajecca dobrym prykładam jakasnaj histaryčnaj bieletrystyki.
Jana budzie sapraŭdnaj krynicaj viedaŭ dla tych, chto choča daviedacca, jak razhortvalisia padziei, što adbyvalisia na palach pad Oršaj u 1514 hodzie.
Zamović knihu možna tut.
Taksama šukajcie knihi vydaviectva «Januškievič» u viadučych kniharniach Minska i krainy dy ŭ niezaležnych raspaŭsiudnikaŭ.
IP Januškievič Andrej Mikałajevič. UNP 192208693
