Reuters.com
Na sustrečy Kiery i Pucina prysutničaŭ kiraŭnik Ministerstva zamiežnych spraŭ Rasii Siarhiej Łaŭroŭ, jaki pierad hetym pravioŭ pieramovy z amierykanskim dziaržsakratarom. Vyniki ich kiraŭnik rasijskaha zamiežnapalityčnaha viedamstva acaniŭ adnym słovam — «Cudoŭna».
Dziaržsakratar ZŠA ŭ svaim aficyjnym tvitery napisaŭ: «U mianie adbylisia ščyryja pieramovy z prezidentam Pucinym i kiraŭnikom MZS Łaŭrovym pa klučavych pytańniach, u tym liku — pa pieramovach ź Iranam, pa Siryi i Ukrainie».
Sustreča z Pucinym adbyvałasia za začynienymi dźviaryma.
Heta pieršy vizyt Kiery ŭ Rasiju paśla eskałacyi kryzisu va Ukrainie. Papiaredni vizit jon zrabiŭ u 2013 hodzie.
Napiaredadni pieramovaŭ z Kiery Pucin zajaviŭ na sustrečy z kiraŭnikami abaronnaj pramysłovaści, što adnym z hałoŭnych pryjarytetaŭ Rasii źjaŭlajecca padtrymańnie tempaŭ madernizacyi ŭzbrojenych siłaŭ.
