Na sajcie ŭrada Novaj Ziełandyi źjaviŭsia raździeł dla prapanoŭ dyzajnu novaha dziaržaŭnaha ściaha. Na momant publikacyi ŭ im utrymlivałasia 588 ściahoŭ.
Novy ściah Novaja Ziełandyja abiare na refierendumie ŭ 2016 hodzie. Ciapierašni krytykujuć za padabienstva da ściahoŭ inšych krain, što raniej uvachodzili ŭ Brytanskuju impieryju.
Na pieršym etapie vybaru novaha ściaha kamisija adbiare niekalki najlepšych varyjantaŭ dyzajnu. Zatym hramadzianie abiaruć adzin alternatyŭny. Na apošnim etapie adbudziecca hałasavańnie pa zachavańni staroha ci pryniaćci alternatyŭnaha ściaha.
Niekatoryja cikavyja varyjanty:
Najčaściejšyja matyvy na prapanavanych ściahach — suzorje Paŭdniovy Kryž (prysutničaje i na siońniašnim ściahu), ptuška kivi i halinka nacyjanalnaj raśliny, cyatei sierabrystaj. Časta sustrakajucca i chvali dy «Junijan Džek» — ściah Vialikabrytanii, što raźmiaščaŭsia na ściahach jaje byłych kałonij. Najpapularniejšy koler — sini, za im čorny i čyrvony.
Siarod socień prapanavanych varyjantaŭ bahata i žartaŭlivych: niedzie kivi stralaje łazieram z vačej, niedzie lacić na viasiołcy.
