Trahiedyja pablizu vioski Ladziec Stolinskaha rajona zdaryłasia viečaram 26 maja. Pra zdareńnie nie paviedamlałasia da vyśviatleńnia pryčyn śmierci 44-hadovaha viełasipiedysta.
Načalnik Stolinskaha rajadździeła Śledčaha kamiteta Andrej Sieńkaviec paviedamiŭ, što trup znajšli na darozie niepadalok ad vioski Ladziec, pobač lažaŭ i rovar. Sudmiedekśpiertyza vyjaviła, što mužčyna zahinuŭ ad udaru navalničnaj małanki.
U toj viečar mužčyna viartaŭsia ŭ Ladziec da sužycielki paśla taho, jak naviedaŭ maci ŭ Turach. Prośby maci nie vyjazdžać z domu, bo pačałasia navalnica, syn praihnaravaŭ. Da punkta pryznačeńnia jon nie dabraŭsia.
Na ziamli pobač z zahinułym znajšli mabilny telefon.
Mužčyna nie byŭ žanaty, dziaciej u jaho niama.
0
0
0
0
0
0