Na pačatku listapada Latučy ŭniviersitet raspačaŭ nabor na ŭdzieł u novaj adukacyjnaj prahramie, a 13 listapada a 18.30 usich cikaŭnych zaprašajuć na aficyjnuju prezientacyju prahramy i sustreču z kalehiumam Latučaha. Prezientacyja adbudziecca ŭ kłubie Imaguru (vuł. Fabrycyusa, 4)
Rabi niečakanaje,
Rabi, jak nie byvaje,
Rabi, jak nie robić nichto, -
I tady pieramožaš.
Uładzimir Karatkievič
Tyja, chto znajomy ź Latučym nie tolki z razavych mierapryjemstvaŭ, viedajuć, što ŭvieś čas svajho isnavańnia (a heta bolš za 5 hod!) univiersitet znachodzicca ŭ stałym pošuku novych formaŭ i sposabaŭ arhanizacyi myślenčaj pracy, novaha źmiestu adukacyi – najbolš adpaviednaha idei sučasnaha Univiersiteta. Mienavita tamu kožnaja nastupnaja prahrama, jakuju abviaščaje ŭniviersitet, nie padobnaja na papiaredniuju: zachoŭvajučy dobryja ŭniviersiteckija tradycyi, my zaŭsiody ździvim słuchačoŭ i niečakanymi inavacyjami.
Novaja prahrama pradstaŭlaje dva roznyja ŭzroŭni adukacyi.
Dla tych, chto chacieŭ by vybudoŭvać asabistuju adukacyjnuju trajektoryju ŭ volnym ruchu, Latučy ŭniviersitet prapanuje ŭžo dobra znajomy tradycyjny farmat – adukacyjnyja kursy. Hety tak zvany «pieršy ŭzrovień» novaj prahramy składajuć 8 kursaŭ, na jakich svaje padychody i praktyki myśleńnia pradstaviać viadomyja biełaruskija intelektuały i kulturnyja dziejačy: Uładzimir Mackievič, Michał Aniempadystaŭ, Iryna Dubianieckaja, Hienadź Sahanovič, Michaś Bajaryn, Ihar Babkoŭ, Pavieł Barkoŭski, Viačasłaŭ Babrovič.
Druhi ŭzrovień, i jamu nadajecca asablivaja ŭvaha, pradstaviać Škoły Mahistraŭ Hulni - novy adukacyjny farmat Latučaha ŭniviersiteta.
Raźličanyja na nievialikija hrupy admysłoŭcaŭ, ščylnuju kamunikacyju z Nastaŭnikami – viadomymi biełaruskimi intelektuałami i myślarami, Škoły zadumanyja jak miescy supolnaj pracy pa stvareńni novych sensaŭ i praktykaŭ:
Škoła historyi idej (kiraŭnik – Ihar Babkoŭ)
Mietadałahičnaja škoła (kiraŭniki - Uładzimir Mackievič, Taciana Vadałažskaja)
Škoła VKŁ (kiraŭnik – Aleh Dziarnovič )
Škoła sacyjalna-fiłasofskaj analityki (arhanizatary - supolnaść «Biełaruskaj Fiłasofskaj prastory»)
Čym admietnyja hetyja dva ŭzroŭni? Pa jakich pryncypach zbudavanyja, jakija krytery adboru, patrabavańni i ŭmovy ŭdziełu? Što čakaje słuchačoŭ u vyniku – jakija zdabytki? Chto taki «Mahistar Hulni» i kamu budzie nadavacca hetaja stupień u Latučym?
Padrabiazna daviedacca pra kancepcyju i strukturu novaj prahramy, paznajomicca z asnovami, pryncypami, źmiestam lekcyjnych kursaŭ i Škołaŭ Mahistraŭ Hulni, adčuć cudoŭnuju atmaśfieru intelektualnaha asiarodździa, u nieaficyjnaj abstanoŭcy pahutaryć z vykładčykami kursaŭ i kiraŭnikami Škołaŭ možna budzie padčas prezientacyi novaj prahramy Latučaha ŭniviersiteta, jakaja adbudziecca 13 listapada ŭ kłubie Imaguru (vuł. Fabrycyjusa, 4). Pačatak a 18.30. Uvachod volny.
Zapis na kursy i škoły ŭžo adkryty i tryvaje da 5 śniežnia. Paznajomicca z karotkimi anonsami kursaŭ i Škołaŭ, a taksama zarehistravacca na ich možna tut