U ZŠA 29 listapada pamior archijepiskap Biełaruskaj aŭtakiefalnaj pravasłaŭnaj (narodnaj) carkvy Emihidyjuš Ryžy (archijepiskap Jury).
Jon naradziŭsia 5 žniŭnia 1933 hoda na chutary pablizu vioski Łatyhal Pastaŭskaha pavieta (ciapier Hłybocki rajon Viciebskaj vobłaści). Ź siamji «vorahaŭ» narodu. U 1946 hodzie byŭ faktyčna departavany ŭ Polšču. Ad 1976 hodu žyŭ u ZŠA. U 1977 pačaŭ dušpastyrskuju słužbu.
Pačynajučy z 1993-ha, 10 hadoŭ zapar pryjazdžaŭ na Biełaruś. Ź inicyjatyvy i pry niepasrednym udziele ŭładyki Juryja na Baćkaŭščynie adradziłasia Biełaruskaja aŭtakiefalnaja pravasłaŭnaja (narodnaja) carkva. Tak, u 1994 h. pačalisia bahasłužby ŭ mienskim prychodzie śviatoj Jeŭfrasińni Połackaj, u 1995 — u Miensku vyśviačajecca jepiskap, i vychodzić z druku pieršy numar carkoŭnaha biuleteniu «Hołas carkvy Biełaruskaj», byli pabudavanyja kaplicy prychoda sv. Kiryły Turaŭskaha ŭ Słonimie, a taksama pačałosia budaŭnictva chrama ŭ pasiołku Pahraničny, što zajmieła rezanans. U 2002 pačaŭ dziejničać prychod śviatoha Jurja ŭ vioscy Ščomyślica pad Minskam. Siońnia ŭsie jany niadziejnyja.
Emihidyjuš Ryžy ŭ 2003 hodzie napisaŭ i vydaŭ knihu ŭspaminaŭ i razvažańniaŭ «Moj kryž», jahonyja apaviadańni drukavalisia ŭ štohodniku «Biełarus».
