Na minułym tydni byŭ zatrymany načalnik inśpiekcyi Departamienta kantrolu i nahladu za budaŭnictvam pa h. Minsku Jaŭhien Žyžal. Infarmacyju pra heta paviedamili niekalki infarmavanych krynic.
Va ŭpraŭleńni Śledčaha kamiteta pa Minsku TUT.BY paćvierdzili, što rasśledujecca kryminalnaja sprava, zaviedziena ŭ dačynieńni da načalnika staličnaj inśpiekcyi Departamienta kantrolu i nahladu za budaŭnictvam. «Dziejańni zatrymanaha kvalifikavanyja pa č. 2 art. 430 (pryniaćcie słužbovaj asobaj materyjalnych kaštoŭnaściaŭ, pradstaŭlenych u suviazi z zajmanym stanoviščam, za spryjalnaje rašeńnie pytańniaŭ, jakija ŭvachodziać u jaho kampietencyju ŭ bujnym pamiery) Kryminalnaha kodeksa Respubliki Biełaruś. U dačynieńni da jaho ŭžytaja miera strymańnia ŭ vyhladzie zaklučeńnia pad vartu», - skazała aficyjny pradstaŭnik SK Julija Hančarova.
U inśpiekcyi Departamienta kantrolu i nahladu za budaŭnictvam pa Minsku skazali, što «Jaŭhien Žyžal užo tydzień znachodzicca na balničnym».
