Asablivaja ŭvaha ŭ chałodnaje nadvorje treba nadavać sistemam aciapleńnia. U katehoryju ryzyki ŭ pieršuju čarhu traplajuć žychary pryvatnaha siektara. Kantrol za stanam sistem aciapleńnia nieabchodny nie tolki ŭ damach i katedžach, ale taksama ŭ nievialikich sielskich kramach, aptekach i inšych pamiaškańniach. Pry vykarystańni katłoŭ, z-za nizkich tempieratur mohuć zamierznuć trubapravody, asabliva kali jany znachodziacca ŭ paddaškavych pamiaškańniach i nia ŭcieplenyja abo ŭcieplenyja drenna. Spyniajecca cyrkulacyja vady, što rezka pavyšaje cisk u katle, a heta moža pryvieści da vybuchu. Vialiki abjom pary, vykinutaj u pamiaškańnie, dzie ŭstalavany kacioł, pavyšaje cisk u cełym u pakoi, u vyniku rujnujucca apornyja kanstrukcyi budynka. Ludzi atrymlivajuć traŭmy i apioki paraj.
Dla taho, kab paźbiehnuć biady, nieabchodna pierakanacca, što adkrytyja ŭsie zapornyje pryłady, ustalavanyja ŭ sistemie aciapleńnia. Kandensat ź nižniaj kišeni kominaŭ dla katłoŭ, jakija pracujuć z naturalnaj ciahaj, nieabchodna źlić. Ahledźcie ahałoŭki kominaŭ, kab pierakanacca, što jany nie źmierźli i nie zakarkavanyja.
Pierad tym jak raspalvać kacioł, adkryjcie liniju padsiłkoŭvańnia sistemy aciapleńnia i kantrolnuju liniju zapaŭnieńnia pašyralnaha baka. Kali vada paciakła - značyć, sistema aciapleńnia nie zamierzła. Pierakanajciesia, što cisk pa manomietry, ustalavanym na katle, nie raście. Kali vada nie pajšła, a cisk na manomietry raście, - sistema zamierzła. Treba vyznačyć miesca, dzie heta adbyłosia i adahreć jaje. Jak praviła, heta adbyvajecca ŭ miescach złučeńnia pašyralnaha baka z trubapravodami, a taksama na niaŭcieplenych haryščach, u padvałach. Dla adahravańnia možna vykarystoŭvać haračuju vadu, piasok, śpiecyjalnyja pryłady. Nia adahravajcie truby ahniom: heta moža pryvieści da pažaru. Padčas topki katła zaŭsiody kantralujcie cisk - kali jon raście i nabližajecca da maksimalna dapuščalnaha, nieabchodna terminova spynić tapić i vydalić z katła usio paliva.
Abyjakavaści nie tryvaje i pieč: jana patrabuje rehularnaha nahladu. Raskoliny i zazory ŭ muroŭcy nieabchodna staranna zamazać hlinaj. Pažarnuju niebiaśpieku ŭjaŭlajuć taksama raskoliny ŭ kominach. Jany - ščyliny dla adkrytaha połymia na haryščy. Pabieleny komin zaŭsiody pakaža na mahčymuju prablemu čornaj sažaj.
Adna z pašyranych pryčyn pažaraŭ u aciaplalny pieryjad - pieriekał piečy. Biazdumna palić u piečy nielha. Pry mocnych marazach, kab paźbiehnuć biady -heta lepš rabić dvojčy na sutki, ź niekatorym intervałam.
Haračy popieł ź piečaŭ treba vysypać u jamu, dalej ad budynkaŭ. Papiarednie zahasić vadoj, piaskom abo śnieham.
Kab nie pryviało da pažaru haračaje vuholle, što vypadkova vypała ź piečy, prybicie pierad topkaj na draŭlanaj padłozie mietaličny list pamierami nie mienš 50ch70 sm. Jaho možna zrabić i ź nieharučaj cehły. Ale, niahledziačy na prytopačny list, nie pakidajcie adčynienymi topačnyja dźviercy i nie pakidajcie pieč biez nahladu. Heta prosty šlach da pažaru.
Ni ŭ jakim razie nie vykarystoŭvajcie pry padpałcy lohkaŭzharalnyja i haručyja vadkaści, takija jak bienzin abo haza.
Nie pakidajcie biez nahladu pieč i nie dazvalajcie dzieciam samastojna jaje raspalvać.
Jašče adnu niebiaśpieku ŭjaŭlaje čad. Tak, Napiaredadni Novaha hoda z-za zaŭčasnaha zakryćcia zasłanki piečy ŭ nieśviadomym stanie ŭ balnicu byŭ dastaŭleny žychar Kažan-Haradka Łuninieckaha rajona. Mužčynu vypadkova vyjaviŭ susied.
Karystajučysia hazavymi kałonkami, piečami nieabchodna pamiatać, što uharny haz nie maje koleru i pachu. Jon utvarajecca pry lubych vidach hareńnia, a taksama ŭtrymlivajecca ŭ składzie vychłapnych hazaŭ. Pieršy prykmieta - čałaviek pačynaje adčuvać hałaŭny bol i ŭdušeńnie. Pry vysokaj kancentracyi nadychodzić strata śviadomaści i paralič. Znachodzicca ŭ pamiaškańni, pavietra jakoha źmiaščaje 0,2% uharnaha hazu, na praciahu 1 hadziny škodna dla zdaroŭja, a pry źmieście 0,5% - na praciahu 5 chvilin užo niebiaśpiečna dla žyćcia.
Dla taho, kab nie ŭčadzieć, pamiatajcie, što nielha zaŭčasna začyniać zasłanku piečaŭ, h.zn. pakul vuholle całkam nia praharyć. Pry hetym skančać palić u piečy treba nie mienš čym za dźvie hadziny pierad adychodam da snu.
Nielha vykarystoŭvać hazavyja plity z padpalenymi fajerkami dla aciapleńnia pamiaškańniaŭ. Adkrytaje połymia vypalvaje kisłarod i jaho stanovicca niedastatkova dla narmalnaj pracy harełak. A z-za niedachopu kisłarodu haz zharaje nie całkam, u vyniku - utvorycca čad.
Budźcie aściarožnyja!
