Z zahłuchłaha ranicaj 3 studzienia na trasie ŭ Aršanskim rajonie aŭtobusa Maskva—Minsk byli evakujavanyja 45 pasažyraŭ.
Pra toje, što kala vioski Jurcava na aŭtadarozie M1 Brest — Minsk — miaža RF adbyłasia pałomka aŭtobusa (nie zapuskajecca ruchavik), paviedamiła vyratavalnikam u 7 hadzin 4 chviliny adna z pasažyrak. Pavodle jaje słoŭ, pałomka aŭtobusa adbyłasia kala 5-j hadziny ranicy.
Jak paviedamlaje pres-słužba MNS, aŭtobus marki «Skanija», jaki naležyć PHUP «Dziakuj-Treveł» (Minsk), nakiroŭvaŭsia pa maršrucie Maskva—Minsk. U im znachodziłasia 45 čałaviek, hramadzianie Biełarusi i Rasii. Tempieratura pavietra na toj momant składała minus 18 hradusaŭ.
Da miesca pałomki byli nakiravanyja: apieratyŭnaja hrupa Aršanskaha HRANS, dva ekipažy mižrajonnaha adździeła DAI Aršanskaha RAUS, aŭtobus aŭtaparka № 3 Oršy, try bryhady chutkaj miedycynskaj dapamohi i aŭtamabil techdapamohi DEU-7 (RUP «Biełaŭtastrada»).
Aršanski aŭtobus dastaviŭ pasažyraŭ u kaviarniu ŭ vioscy Jurcava, za kiłamietr ad miesca pałomki. U 10.00 prybyŭ dadatkovy aŭtobus PHUP «Dziakuj-Treveł», i ŭ 10.05 pasažyry pajechali na im dalej pa zadadzienym maršrucie. Kali b zatrymka była bolš praciahłaj, ludziej raźmiaścili b u Respublikanskim špitali invalidaŭ Vialikaj Ajčynnaj vajny ŭ vioscy Jurcava.
Nichto nie paciarpieŭ. Apuścieły aŭtobus zaviali rabotniki DEU-7.
