Pradstaŭniki słužby biaśpieki ŭ Bahdadzie paviedamlajuć, što 17 čałaviek zahinuli ŭ vyniku napadu ŭ adnym z handlovych centraŭ irakskaj stalicy.
Ataka pačałasia z vybuchu bomby za miežami handlovaha kompleksu. Zatym uzbrojenyja ludzi adkryli stralaninu, uvarvalisia ŭnutr i zachapili niekalki čałaviek u zakładniki.
Supracoŭniki sił biaśpieki ačapili handlovy centr, a zatym pajšli na šturm budynka. Dvoje z napadnikaŭ uzarvali pajasy śmiarotnikaŭ, u vyniku čaho zahinuli niekalki zakładnikaŭ. Jašče dvoje napadnikaŭ zabityja ŭ pierastrełcy, čaćviora aryštavanyja.
Pa słovach pradstaŭnikoŭ irakskich uład, ciapier situacyja znachodzicca pad kantrolem.
0
0
0
0
0
0
