Chirurhu biełharodskaj kliniki, jaki źbiŭ da śmierci pacyjenta, źmianili artykuł abvinavačvańnia na bolš surjozny, paviedamiŭ pradstaŭnik Śledčaha kamiteta Uładzimir Markin.
«32-hadovamu byłomu doktaru haradskoj balnicy numar 2 abłasnoha centra Illi Zielandzinavu pradjaŭlenaje abvinavačańnie ŭ naŭmysnym pryčynieńni ciažkaj škody zdaroŭju, što paciahnuła pa nieaściarožnaści śmierć paciarpiełaha», — zajaviŭ Markin u aŭtorak.
Pa vystaŭlenym ciapier miedyku artykule Kryminalnaha kodeksa jamu pahražaje da 15 hadoŭ turemnaha źniavoleńnia.
Na dumku Markina, Zielandzinaŭ, budučy praktykujučym doktaram, dakładna viedaŭ ab mahčymych nastupstvach «pry naniasieńni udaraŭ paciarpiełamu ŭ žyćciova važny orhan hałavu, adnak staviŭsia da hetaha abyjakava».
U kancy minułaha tydnia SK raspačaŭ spravu ŭ suviazi sa źjaŭleńniem u internecie videarolika, na jakim Zielandzinaŭ źbivaje pacyjenta. Paśla hetaj bojki pacyjent pamior. Na videa vidać, jak chirurh, vidavočna, zrazumieŭšy, što pacyjent miortvy, sprabuje jaho «adkačać».
Pieršapačatkova na Zielandzinava zaviali spravu pa artykule «Pryčynieńnie śmierci pa nieaściarožnaści».
