Na pačatku 2016 hoda «Śpieŭny schod» zapuściŭ kampaniju «Śpiavajem biełaruskija pieśni razam!». Na srodki, jakija pryciahnuć arhanizatary, płanujecca zładzić piać «Śpieŭnych schodaŭ». U Minsku – «Biełaruskija pieśni I-j pałovy XX st.», «Biełaruskija pieśni II-j pałovy XX st.», «Pieśni fiłamataŭ i fiłaretaŭ». Taksama buduć praviedzieny Schody ŭ Viciebsku i Breście. Na zbor srodkaŭ adviedziena dva miesiacy.
Za čas svajho isnavańnia «Śpieŭny schod» pravioŭ siamnaccać bujnych mierapryjemstvaŭ i šerah nievialikich. Naprykład, u minułym hodzie «śpieŭnaschodaŭcy» śpiavali pieśni z Vušaččyny, jakija źbiraŭ Ryhor Baradulin, śviatkavali Dzień horada razam ź viciablanami i ŭpieršyniu ŭ śviecie śpiavali ramansy Ahinskaha. Pravodzilisia i inšyja tematyčnyja Schody.
Pa słovach arhanizatara «Śpieŭnaha schoda» Alaksieja Čubata, biełarusy nie viedajuć narodnyja pieśni i nie majuć mahčymaści vučyć ich. «Śpieŭny schod» dapamahaje lubomu čałavieku rabić heta. Kamanda prajekta vieryć, što novaja inicyjatyva dałučyć da śpievaŭ novych amataraŭ i paznajomić biełarusaŭ z našaj bahataj spadčynaj. Pa słovach Alaksieja Čubata, prajekt spryjaje adradžeńniu kultury supolnych śpievaŭ, jadnaje ludziej, dapamahaje zachoŭvać niemateryjalnuju kulturnuju spadčynu Biełarusi.
Z chodam realizacyi možna aznajomicca tut.
