Pra heta paviedamiła staršy inśpiektar pa ahitacyi i prapahandzie ADAI Maskoŭskaha RUUS Minska Luboŭ Trapaška.
Incydentu papiaredničała DTZ, jakoje adbyłosia siońnia kala 16.15 pamiž praśpiektam Dziaržynskaha i vulicaj Siamaški. Na pierakryžavańni, kab prapuścić patok mašyn pierad razvarotam, spyniŭsia navučalny aŭtamabil «Opiel Korsa», u jakim znachodzilisia kursant i instruktar. U hety čas u jaho ŭrezałasia «Mazda 3».
Instruktar vyjšaŭ z «Opiela» i zaŭvažyŭ, što kiroŭca «Mazdy» pa źniešnich prykmietach pjany, pavodzić siabie nieadekvatna. Tady mužčyna vyklikaŭ milicyju.
Supracoŭniki DAI, jakija apieratyŭna prybyli na miesca zdareńnia zaŭvažyli, što kiroŭca sprabavaŭ parezać sabie vieny. Jany dapamahli paciarpiełamu, akazali jamu pieršuju miedycynskuju dapamohu i vyklikali chutkuju. Paranienaha kiroŭcu špitalizavali.
