U Lidskim rajonie pavodkavyja vady i kryhachod razburyli draŭlany most praź Nioman.
Paviedamleńnie pra razbureńnie mosta pastupiła kala 16 hadzin 10 lutaha. Patokam vady i lodu razburana kala 40 m 72-mietrovaha mosta.
Most u rajonie v. Macievičy byŭ pabudavany ŭ 2012 hodzie, znachodziŭsia na bałansie miascovaj haspadarki. Vykarystoŭvaŭsia ŭ asnoŭnym u letni čas dla prajezdu sielhastechniki i padvozu hazavych bałonaŭ žycharam vioski Karytnica.
Žyćciadziejnaść nasielenych punktaŭ pablizu mosta nie parušanaja, ruch transpartu arhanizavany pa inšych maršrutach, adznačyli ŭ MNS.
Fota hetaha mosta, zroblenyja roŭna dva hady tamu, akurat u lutym, dasłaŭ u Redakcyju Aleś Hizun. «Pa fota dobra vidać, jak napradvieśni kryhi muštrujuć apiryščy taho mosta», — napisaŭ jon.
