Lidar Abjadnanaj hramadzianskaj partyi Anatol Labiedźka pryjšoŭ na pikiet da budynka Biełteleradyjokampanii ŭ Minsku z partretam zabitaha siońnia ŭ Kijevie biełaruskaha žurnalista Paŭła Šaramieta.
U pikiecie brali ŭdzieł namieśnik kiraŭnika ruchu «Za svabodu» Juraś Hubarevič, hramadskaja aktyvistka Volha Kavalkova.
Milicyja pravieryła ŭ žurnalistaŭ paśviedčańni. Labiedźka źviarnuŭsia da voknaŭ BT praź miehafon, u tym liku zaklikaŭšy na vybarach za pravacentrysckich kandydataŭ.
Jak paźniej udakładniŭ u svaim fejsbuku Anatol Labiedźka, pikiet kala Biełdziaržkampanii ładziŭ Juryj Hubarevič (heta jaho akruha). Učora zładzić nie dazvolili, pravacentrysty pryniali rašeńnie pravieści sieńnia, supolna jak pikiet za svabodu słova.
«Jon pačaŭ pracavać tut, moh ŭznačalić Biełteleradyjokampaniju, kali b tut pa-inšamu stavilisia da krytyki. Ale jamu nie dali tut pracavać. Kali b sistema nie vykinuła adsiul, jon moh by žyć», — skazaŭ Anatol Labiedźka padčas pikieta.
«Ja skazaŭ, što prydu da Biełteleradyjekampanii z partretam Paŭła, kab nahadać i biełaruskim uładam, što jany taksama niasuć uskosnuju adkaznaść za trahiedyju ŭ Kijevie!», — napisaŭ Anatol Labiedźka.
