Foto president.gov.by
Nijakich ukazaŭ, kab pracavać narmalna, nie treba, zajaviŭ Alaksandr Łukašenka siońnia na naradzie pa sacyjalna-ekanamičnym raźvićci Hrodzienskaj vobłaści, jakoje prachodzić u Vaŭkavyskim rajvykankamie.
Kiraŭnik dziaržavy asablivuju ŭvahu nadaŭ temie efiektyŭnaści dziejnaści pradpryjemstvaŭ i rajonaŭ Hrodzienskaj vobłaści. Jon zapatrabavaŭ ruplivaha, haspadarčaha padychodu va ŭsich pytańniach. Razmova ŭ tym liku zajšła ab pasrednickich pasłuhach pry nabyćci srodkaŭ chimabarony i vietpreparataŭ. Patrabavańnie prezidenta — nieabchodna naŭprost vieści zakupki, kab paźbiehnuć pavieličeńnia cany tavaru. «Tam, dzie pasiaredniki, a heta nieabaviazkova karupcyjnyja schiemy, — pavieličeńnie cany», — zaŭvažyŭ kiraŭnik dziaržavy.
Alaksandr Łukašenka detalova pacikaviŭsia situacyjaj u rajonach vobłaści, i ŭ Vaŭkavyskim rajonie ŭ pryvatnaści.
U naradzie ŭdzielničajuć kiraŭniki šerahu respublikanskich viedamstvaŭ, u tym liku staršynia Kamiteta dziaržkantrolu Leanid Anfimaŭ, a taksama kiraŭnictva Hrodzienskaj vobłaści, Vaŭkavyskaha rajona i pradpryjemstvaŭ rehijonu.
