Prezident Ukrainy Piatro Parašenka 20 žniŭnia pravioŭ pieramovy sa svaim tureckim kaleham Redžepam Taipam Erdahanam, havorycca na sajcie ŭkrainskaha prezidenta.
U paviedamleńni, apublikavanym na sajcie Parašenki, havorycca, što ŭkrainski prezident vykazaŭ Erdahanu padtrymku ŭ suviazi sa sprobaj vajskovaha pieravarotu, jaki adbyŭsia ŭ Turcyi.
Erdahan u svaju čarhu zapeŭniŭ Parašenku «ŭ niaźmiennaści pazicyi Turcyi pa padtrymcy niezaležnaści i terytaryjalnaj cełasnaści Ukrainy ŭ jaje mižnarodna pryznanych miežach», havorycca na sajcie ŭkrainskaha prezidenta.
«Prezident Turcyi taksama zajaviŭ, što Tureckaja Respublika nie pryznaje akupacyi Kryma i praciahnie ŭsialak padtrymlivać krymskich tataraŭ», — adznačajecca ŭ paviedamleńni.
