belarusian.cri.cn
Śviatłanu Aleksijevič uznaharodzili ŭ Pekinie knižnaj premijaj «Veńćziń» (Wenjin). Heta samaja prestyžnaja litaraturnaja ŭznaharoda ŭ Kitai. Jana była zapačatkavanaja Nacyjanalnaj biblijatekaj krainy ŭ 2004 hodzie.
Uznaharoda prysudžajecca najlepšym kniham u troch naminacyjach: dziciačaja, sacyjalnaja j navukova-papularnaja litaratura.
Paśla cyrymonii ŭručeńnia premii Śviatłana Aleksijevič sustrełasia z kultavym kitajskim piśmieńnikam, laŭreatam premii Franca Kafki ŭ 2014 hodzie, finalistam premii Bukier Jań Lanke.
Aprača premii «Veńćziń», piśmieńnica ŭ Kitai atrymała premiju Šanchajskaha knižnaha kirmašu i ŭznaharodu Pekinskaha knižnaha kirmašu. Śviatłana Aleksijevič ŭžo tydzień znachodzicca ŭ Kitai. 20 žniŭnia jana sustrełasia z kitajskim piśmieńnikam, laŭreatam Nobeleŭskaj premii 2012 hodu Mo Janiem. Siońnia biełaruskuju nobeleŭskuju laŭreatku vitali ŭ pasolstvie Biełarusi ŭ Pekinie.
