Zatoplenyja ŭ vyniku mocnych daždžoŭ vulicy stalicy Banhładeš Dacy afarbavalisia ŭ čyrvony koler paśla maštabnaha zaboju žyvioł u honar musulmanskaha śviata Kurban-bajram.
Haradskija ŭłady dazvolili žycharam zabivać žyvioł tolki ŭ śpiecyjalna adviedzienych miescach, adnak bolšaść haradžanaŭ nie zmahli dabracca da ich z-za liŭniaŭ.
U vyniku mnohija žychary Daki zabivali žyvioł na padziemnych aŭtamabilnych stajankach, u haražach i zavułkach, a ich kroŭ zściakała na zatoplenyja vulicy.
Pavodle dadzienych Bienhalskaj słužby Bi-bi-si, za apošnija dni ŭ Dacy było zabita kala 100 tysiač žyvioł. Adnak haradžan zusim nie šakuje vidovišča kryvavaj vady na vulicach, bo ŭ Dacy pieryjadyčna zdarajucca pavodki, a masavy zaboj žyvioł adbyvajecca kožny hod.
Zhodna z musulmanskaj tradycyjaj, miasa zabitych karoŭ i koz dzielicca pamiž členami siamji, siabrami i biedniakami, a trybuchi vykidvajucca.
Mnohija žychary Daki krytykujuć staličnyja ŭłady za drennaje ŭładkavańnie drenažnych sistem, a taksama za drennaje infarmavańnie žycharoŭ ab miescach, dzie možna było zabivać žyviołu ŭ śviatočnyja dni.
