Try čałavieki zahinuli ŭ vyniku stralaniny va univiermahu Macy's u amierykanskim horadzie Bierlinhtan, štat Vašynhton. Jašče dvoje paranienyja.
AP
Adzin z paciarpiełych znachodzicca ŭ krytyčnym stanie. Pieršapačatkova paviedamlałasia pra jaho śmierć, ale, pa ŭdakładnienych dadzienych palicyi, jamu ŭdałosia vyžyć.
Usie troje zahinułych — žančyny.
Navakolli handlovaha centra Cascade Mall ačeplenyja palicyjaj, iduć pošuki mierkavanaha złamyśnika.
Palicyja schilajecca da viersii, što napadnik byŭ adzin. Ułady štata apublikavali fatahrafiju padazravanaha: heta mužčyna łacinaamierykanskaj źniešnaści ŭ šeraj vopratcy i ŭzbrojeny vintoŭkaj.
AP
Matyvy ataki pakul nie viadomyja.
Mierkavany strałok moh nakiravacca ŭ bok aŭtamahistrali I-5, paviedamlaje Seattle Times sa spasyłkaj na śviedak.
Pradstaŭnik palicyi štata Vašynhton Mark Frensis napisaŭ u tvitary, što vyžyłyja pry napadzie ŭ dadzieny momant evakujavanyja ŭ susiedniuju carkvu.
Pavodle jaho słoŭ, napadnik pakinuŭ handlovy centr da pryjezdu palicyi.
Horad Bierlinhtan znachodzicca prykładna ŭ 100 km na poŭnač ad Sietła.
