Fota: svaboda.org
U Mahilovie pamior aktyvist kaalicyi «Jeŭrapiejskaja Biełaruś» Tomas Jakavicki. Da svajho 50-hadovaha jubileju jon nie dažyŭ miesiac.
Rodnyja znajšli Jakavickaha pamierłym ranicaj 24 vieraśnia, paviedamlaje svaboda.org. Pavodle papiarednijaj infarmacyi, śmierć była hvałtoŭnaj. Paviedamlajecca taksama, što padazravany ŭ śmierci aktyvista zatrymany.
Tomas Jakavicki naradziŭsia 25 kastryčnika 1966-ha hodu ŭ Mahilovie. Jon byŭ adnym z pačynalnikaŭ motasportu ŭ horadzie.
Tomas Jakavicki byŭ adnym z arhanizataraŭ salutaŭ dziela padtrymki niavolnikaŭ mahiloŭskaj kałonii Andreja Sańnikava dy Źmitra Bandarenki. Udzielničaŭ u akcyi pratestu 19 śniežnia 2010-ha hodu.
Jakavicki mieŭ svoj biźnies, jon zajmaŭsia ramontam mašyn. Niezadoŭha da śmierci biźnies zbankrutavaŭsia.
Tomasa Jakavickaha pachavajuć 25 vieraśnia na Paŭdniova-Uschodnich mohiłkach abłasnoha centra.