EPA
Papa Francišak, jaki pryjechaŭ ź vizitam u Hruziju, adsłužyŭ imšu na praktyčna pustym spartyŭnym stadyjonie, paśla taho jak Hruzinskaja pravasłaŭnaja carkva paraiła svaim parafijanam nie prymać udzieł u rymska-katalickaj słužbie.
Na stadyjon, jaki moža źmiaścić 25 tysiač čałaviek, nasupierak čakańniam, pryjšli tolki kala troch tysiač žycharoŭ Hruzii.
Pa aficyjnych dadzienych, u Hruzii pražyvaje krychu mienš za adzin pracent katalikoŭ.
Delehacyja ad Hruzinskaj pravasłaŭnaj carkvy, jak čakałasia, pavinna była pryjści na cyrymoniju ŭ Tbilisi, adnak u vyniku nie stała ŭdzielničać.
Prezident Hruzii Hieorhij Marhviełašvili na imšu pryjšoŭ.
Za dva dni da pryjezdu Papy, patryjarch hruzinskaj pravasłaŭnaj carkvy Illa II vypuściŭ zajavu, dzie kazałasia, što pravasłaŭnyja nie mohuć naviedvać katalickuju imšu z-za adroźnieńniaŭ u daktrynach, jakija biaruć pačatak z raskołu ŭ 1054 hodzie.
U toj ža zajavie hruzinskaja patryjarchija nazvała nieprymalnymi niehatyŭnyja publičnyja zajavy duchoŭnych asobaŭ ab pantyfiku.
U piatnicu Papu ŭ Tbilisi sustreli pratestnaj akcyjaj. Jaje ŭdzielniki z płakatami «Vatykan - heta duchoŭny ahresar», «Trymajsia dalej ad Hruzii, antychryst» na anhlijskaj i hruzinskaj movach stali ŭzdoŭž trasy, jakaja viadzie z aeraporta ŭ horad
