Staršynia fiederacyi baskietboła Biełarusi Maksim Ryžankoŭ prakamientavaŭ infarmacyju pra toje, što hałoŭny trenier zbornaj Biełarusi Anatol Bujalski adpraŭleny ŭ adstaŭku.
— Prakamientujcie navinu ab zvalnieńni Bujalskaha?
— Chto jaho zvolniŭ?
— Kažuć, što takoje rašeńnie pryniali na vykankamie fiederacyi baskietboła.
— U vas nie zusim dakładnaja infarmacyja. Nasamreč pavodle pasady ŭ Ministerstvie sportu ŭ nas jość hałoŭny trenier. Jon ličycca tam na staŭcy. Jak jon moža być zvolnieny vykankamam? Tak što hałoŭnym trenieram zbornaj na siońniašni dzień jon zastajecca. Kali tolki ja čahości nie viedaju, i Ministerstva sportu skasavała ź im damovu, jakaja dziejničaje, zdajecca, da śniežnia. Tak što nie viedaju, što tam panapisvali.
Pry hetym adznaču, što ŭ jaho byŭ dadatkovy kantrakt ź fiederacyjaj: płacili hrošy i ŭ ministerstvie, i ŭ fiederacyi. Niekatoryja treniery, napeŭna, chočuć bolšaha finansavaha zabieśpiačeńnia. Tamu ź fiederacyjaj u Bujalskaha byŭ dadatkovy finansavy kantrakt. I voś jon dziejničaŭ da 1 kastryčnika. Pakul namieraŭ ab jaho praciahu ni Bujalski, ni my nie zajavili.
Jość ža roznyja varyjanty pracaŭładkavańnia hałoŭnych trenieraŭ. Jość taki varyjant, kali śpiecyjalist atrymlivaje zarobak tolki ad Minsportu. Časam trenieram dapłačvaje jašče i fiederacyja, zychodziačy z vynikaŭ i zadač, jakija staviacca pierad kamandaj. My dapłačvali Bujalskamu da 1 kastryčnika. Dalej pakul rašeńnia niama.
