Zahinułaja siońnia ŭviečary ŭ handlovym centry «Jeŭropa» na vulicy Surhanava ŭ Minsku — supracoŭnica adnoj z kramaŭ. Jana adłučyłasia z pracoŭnaha miesca, kab kupić kałhotki. Takaja infarmacyja prahučała ŭ prahramie «Naviny» telekanała ANT.
Pa apošniaj infarmacyi, minčuk 1998 hoda naradžeńnia, prystojna apranuty, zajšoŭ u handlovy centr z futarałam dla hitary i bienzapiłoj u 17.28. Na jaho nichto nie źviarnuŭ uvahi. Zavioŭšy bienzainstrumient, jon nakinuŭsia na dziaŭčynu, pryčyniŭšy joj cialesnyja paškodžańni, ad jakich jana pamierła. Zatym dastaŭ z futarała siakieru i pačaŭ pahražać inšym. Traŭmy atrymała jašče adna dziaŭčyna.
Sihnał u milicyju pastupiŭ u 17.34. Na praciahu dvuch chvilin na miescy byli supracoŭniki Departamienta achovy MUS i patrulna-pastavoj słužby milicyi. Napadnika jany zatrymali z dapamohaj achoŭnikaŭ handlovaha centra.
Matyvy złačynstva pakul nie viadomyja.
