U Maładziečnie na adnym z pradpryjemstvaŭ supracoŭnikam prapanavali małako ŭ zalik zarobku. Pra heta paviedamili karystalniki sacyjalnaj sietki Vkontaktie ŭ hrupie «Mołodiečno Live». Jany źmiaścili fotazdymak abviestki, u jakoj administracyja pradpryjemstva prapanuje rabotnikam takuju niezvyčajnuju formu apłaty ich pracy:
«U suviazi ź ciažkim finansavym stanoviščam i adsutnaściu hrašovych srodkaŭ na vypłatu zarobkaŭ prośba ŭsim rabotnikam da 19.10.2016 zapisacca ŭ dyśpietčarskaj na atrymańnie pradukacyi harmałzavoda ŭ zalik zarobku za vierasień 2016 h.», — skazana ŭ abviestcy.
Jak vyśvietliła Jeŭraradyjo, havorka idzie pra adno z transpartnych pradpryjemstvaŭ Maładziečna. Nam udałosia dazvanicca tudy i vyśvietlić, kamu i na jakich umovach prapanujuć naturapłatu. Voś što paviedamili ŭ administracyi:
«Heta pa žadańni, kali chočacie. Chto choča na 100, chto choča na 150 rubloŭ. Prapanavali ŭziać masła i zakryć tak. Prosta arhanizacyja tak zakryvaje z nami svaju «debitorku».
Praściej kažučy, małočny zavod zavinavaciŭsia transpartnikam i ciapier raźličvajecca ź imi svajoj pradukcyjaj. A transpartniki ŭ svaju čarhu prapanujuć svaim rabotnikam małočnyja pradukty ŭ zalik zarobku.
Karystalniki Vkontaktie, kamientujučy navinu pra naturapłatu, pryhadvajuć inšyja padobnyja vypadki:
«Letam u kałhasie dva miesiacy nie vydavali zarobak, a potym vydali kurami (žyvymi) i tušonkaj».
