Biełteleradyjokampanija pačała pryjom zajavak na ŭdzieł u «Jeŭrabačańni»—2017. Novaŭviadzieńni dva.
Pa-pieršaje, ciapier abirać udzielnika buduć nie tolki hledačy, ale i prafiesijnaje žury. Pa vynikach hetych dvuch hałasavańniaŭ i budzie ahučany pieramožca. Pryčym kali niekalki vykanaŭcaŭ nabiaruć roŭnuju kolkaść bałaŭ, apošniaje słova zastaniecca za žury.
Pa-druhoje, upieršyniu ŭdzielnikam «Jeŭrabačańnia» ad Biełarusi moža stać zamiežnik. «Da ŭdziełu … dapuskajucca hramadzianie Respubliki Biełaruś, a taksama zamiežnyja hramadzianie i asoby biez hramadzianstva», — havorycca ŭ praviłach.
«Kamsamolskaja praŭda» pradkazvaje, što darohu rasčyščajuć dla prateže rasijskaha pradziusara Maksa Fadziejeva. Niekalki miesiacaŭ tamu toj vykazaŭ hatoŭnaść biaspłatna padrychtavać rasijskaha artysta, kab jon pradstaŭlaŭ na «Jeŭrabačańni» Biełaruś. Heta byŭ nibyta žest u adkaz na historyju z Andrejem Fomačkinym, jaki, idučy ŭ biełaruskaj kałonie na Paralimpijadzie, razharnuŭ rasijski ściah.
Maks Fadziejeŭ.
Maks Fadziejeŭ užo ŭdzielničaŭ u padrychtoŭcy biełaruskaha ŭdzielnika na «Jeŭrabačańni»—2010. Tady hurt «3+2» prabiŭsia-taki ŭ finał, ale zaniaŭ tam pieradapošniaje miesca.
Nahadajem, nastupnaje «Jeŭrabačańnie» projdzie ŭ Kijevie.
