Biełaruskaja delehacyja na čale z Alaksandram Łukašenkam zaviaršyła vizit u Abjadnanyja Arabskija Emiraty i Katar.
Jak vyjaviłasia, na Blizki Uschod lataŭ i Mikałaj Łukašenka. Jahony ŭdzieł u mierapryjemstvach nie afišavaŭsia, adnak małodšy syn kiraŭnika krainy trapiŭ na adzin z kadraŭ telekanała ANT.
«Jon 172 santymietry ŭžo, i ja jaho za ruku ŭžo vadzić nie mahu, heta ŭžo inšy čałaviek. [Kažuć]: voś jaho niama pobač, tam niešta ź im zdaryłasia… Dy ničoha nie zdaryłasia, jon u škole», — tłumačyŭ Alaksandr Łukašenka pryčyny taho, što Mikałaj pierastaŭ źjaŭlacca ź im na ludziach.
Hety tydzień u biełaruskich školnikaŭ kanikuły, i syn kiraŭnika krainy supravadžaŭ baćku ŭ pajezdcy.
Admietna, što dva hady tamu Mikałaj taksama pravodziŭ vosieńskija kanikuły ŭ Emiratach.
