U Biełarusi niama zabarony na prychod pryvatnaha kapitału ŭ śfieru sielhasvytvorčaści, ale štučnaj pryvatyzacyi ŭ hetaj śfiery być nie pavinna. Pra heta Alaksandr Łukašenka zajaviŭ siońnia na naradzie ab pierśpiektyvach raźvićcia małych nasielenych punktaŭ Aršanskaha i Škłoŭskaha rajonaŭ, paviedamlaje BiełTA.
«Tak ci inakš, my nie zabaraniajem pryvatnikam prychodzić u sielskuju haspadarku. Jany niamała siońnia majuć ziamiel i niadrenna niekatoryja pracujuć. Heta treba padtrymlivać. U hetym, u pryncypie, i pierśpiektyva», — zajaviŭ kiraŭnik dziaržavy.
Adnačasova jon padkreśliŭ, što heta nie aznačaje masavaj pryvatyzacyi ŭ śfiery sielskaj haspadarki. «Budziem zychodzić z taho, nakolki heta vyhadna. Pojdzie tut — dobra, ale štučna rabić ničoha nie budziem», — skazaŭ jon.
