Prezident Ukrainy Piatro Parašenka zajaŭlaje pra adsutnaść jakoj-niebudź infarmacyi ab damoŭlenaści pamiž ZŠA i RF paśla prezidenckich vybaraŭ, jakija prajšli ŭ ZŠA.
Pra heta jon skazaŭ na pres-kanfierencyi ŭ Stakholmie, adkazvajučy na pytańnie žurnalista ab aściarohach umacavańnia supracoŭnictva pamiž ZŠA i RF, u tym liku pa linii pryznańnia akupavanaha Kryma rasijskim, paviedamlaje «Interfaks-Ukraina».
«U mianie niama nijakaj infarmacyi adnosna niejkich damoŭlenaściej pamiž ZŠA i Rasijaj. Pytańnie Kryma lažyć nie ŭ płoskaści adnosin ZŠA i Rasii», — skazaŭ jon.
Parašenka nahadaŭ, što ni adna dziaržava ŭ śviecie, akramia Paŭnočnaj Karei, nie pryznała prynaležnaść akupavanaha Kryma Rasijskaj Fiederacyi.
«Ale ž ZŠA — heta nie Paŭnočnaja Kareja, tamu davajcie pavažać narod ZŠA i ich prezidenta. Ja nie mahu sabie navat ujavić takuju situacyju», — skazaŭ prezident Ukrainy.
Parašenka vykazaŭ upeŭnienaść u tym, što novy prezident ZŠA budzie «tryvałym i mocnym, i, niesumnienna, budzie partnioram Ukrainy».