Suśvietnaja arhanizacyja JUNIESKA ŭklučyła indyjskuju fiłasofiju johi ŭ śpis niemateryjalnych abjektaŭ suśvietnaj spadčyny, piša VVS.
Getty
Jak padkreślivajecca ŭ zajavie JUNIESKA, u śpis uklučanaja nie sama praktyka johi, a mienavita fiłasofija, što staić za joj, jakaja paŭpłyvała na indyjskaje hramadstva «ŭ roznych aśpiektach, ad zdaroŭja i miedycyny da adukacyi i mastactva».
«Stvoranaja dla taho, kab dapamahčy ludziam uśviadomić siabie, palehčyć ich pakuty i dapamahčy im dasiahnuć stanu svabody, [joha] praktykujecca maładymi i pažyłymi ludźmi, biez dyskryminacyi pa prykmiecie połu, kłasa, abo relihii», — havorycca ŭ zajavie JUNIESKA.
Akramia johi, u śpis uvajšli bielhijskaja piŭnaja kultura, mižziemnamorskaja dyjeta, piekinskaja opiera i pieruanski taniec nažnic.
Śpisu niemateryjalnych abjektaŭ kulturnaj spadčyny JUNIESKA 10 hadoŭ. Rašeńnie ab jaho papaŭnieńni było pryniata na sustrečy pradstaŭnikoŭ arhanizacyi ŭ Adys-Abiebie.
