Nihieryjski piśmieńnik i łaŭreat Nobieleŭskaj premii pa litaratury Vole Šoinka razarvaŭ amierykanskuju hryn-kartu ŭ znak pratestu suprać pieramohi na prezidenckich vybarach u ZŠA Donalda Trampa.
82-hadovy Šoinka taksama paviedamiŭ, što admoviŭsia ad dazvołu na žycharstva ŭ ZŠA. Pakinuć ZŠA ŭ vypadku pieramohi Trampa jon paabiacaŭ jašče da vybaraŭ.
Piśmieńnik na kanfierencyi pa pytańniach adukacyi, jakaja prachodzić u Paŭdniovaj Afrycy, zajaviŭ, što jon bolš nie adčuvaje siabie spakojna ŭ ZŠA.
Nihieryjski piśmieńnik atrymaŭ Nobieleŭskuju premiju ŭ litaratury ŭ 1986 hodzie. Jon staŭ pieršym afrykanskim piśmieńnikam, jaki atrymaŭ premiju.
Na praciahu mnohich hadoŭ Šojinka vykładaŭ u najstarejšych amierykanskich VNU, jakija ŭvachodziać u Lihu Plušča. Jon taksama viadomy krytykaj urada Nihieryi, u tym liku z-za dziejańniaŭ u krainie bajevikoŭ z «Boka Charam».
