Parłamienckaja delehacyja Polščy na čale z maršałkam sienata Stanisłavam Karčeŭskim pa zaprašeńni Savieta Respubliki naviedaje 4-6 śniežnia z rabočym vizitam Biełaruś, paviedamlaje BiełTA.
Prahramaj vizitu praduhledžany sustrečy kiraŭnika delehacyi sa staršynioj Savieta Respubliki Michaiłam Miaśnikovičam, staršynioj Pałaty pradstaŭnikoŭ Uładzimiram Andrejčankam. Zapłanavana taksama naviedvańnie Nacyjanalnaj akademii navuk, udzieł Stanisłava Karčeŭskaha ŭ pasiadžeńni siesii Savieta Respubliki.
Akramia taho, maršałak sienata Polščy sustreniecca sa studentami i vykładčykami fiłałahičnaha fakulteta BDU, pradstaŭnikami siarednich škoł Minska, u jakich vyvučajecca polskaja mova, naviedaje Respublikanski navukova-praktyčny centr dziciačaj ankałohii, hiematałohii i imunałohii i pałacava-parkavy ansambl muzieja-zapaviednika «Niaśviž».
