Bolš za sto tysiač čałaviek sabralisia 1 studzienia ŭ Chielsinki na kancert, kab adznačyć pačatak uračystaściej z nahody 100-hodździa niezaležnaści Finlandyi. Ludziej vitali premjer-ministr krainy Jucha Sipila, kala trochsot artystaŭ, a ŭ zaviaršeńnie nad zalivam Tojolonłachci prahrymieŭ salut.
Śviatočnyja mierapryjemstvy zavieršacca 6 śniežnia, u dzień, kali finski parłamient u 1917 hodzie abviaściŭ niezaležnaść.
U adroźnieńnie ad krain Bałtyi, u 1940 Finlandyja vyrašyła supraciŭlacca Savieckamu Sajuzu, kali toj dzialiŭ z Hitleram Uschodniuju Jeŭropu. Kraina vyniesła dźvie ciažkija vajny, straciła častku terytoryi (Kareliju), ale zachavała niezaležnaść. Dziakujučy hetamu za nastupnyja dziesiacihodździ ŭ svaim raźvićci jana na paradak abahnała svaich akupavanych susiedziaŭ z Estonii i Łatvii.
Biełaruś abviaściła svaju niezaležnaść na hod paźniej za Finlandyju, 25 sakavika 1918-ha, ale nie zdoleła ŭtrymać, bo nie paśpieła ŭtvaryć ułasnaje vojska.
Varta adznačyć, što aficyjnyja ŭłady Biełarusi praktyčna abminuli ŭvahaj 25-hodździe abviaščeńnia niezaležnaści ad SSSR, jakoje adbyłosia ŭ 1991 hodzie.