Ministr lasnoj haspadarki Biełarusi Michaił Amieljanovič dazvoliŭ złavić u Nalibockaj puščy dvuch rysiaŭ dla śpiecnaza Unutranych vojsk MUS, dzie letaś pamierła lehiendarnaja ryś — simvał čaści, paviedamiŭ Sputnik načalnik adździaleńnia ideałahičnaj raboty vajskovaj čaści 3214 Unutranych vojskaŭ MUS Biełarusi major Alaksandr Bražycki.
Ryś, jakaja žyła na terytoryi vajskovaj čaści 3214, pamierła vosieńniu 2016 hoda. Žyvioła bolš za 15 hadoŭ była žyvym simvałam śpiecnaza. U drapiežnicy nie vytrymała serca ad tuhi pa pamierłym siabru.
«Ministr [kiraŭnik Minlashasa Michaił Amieljanovič] daŭ dabro na toje, kab u Nalibockaj puščy złavili dla nas rysiaŭ. Chaciełasia, kab heta byli samiec i samka», — paviedamiŭ Bražycki.
Pavodle jaho słoŭ, damoŭlenaści pa hetym pytańni dasiahnuty, ale ab terminach, kali drapiežnikaŭ pačnuć łavić, kazać jašče rana. Bražycki rastłumačyŭ, što valjer dla drapiežnikaŭ jašče nie adramantavany.
«My vyrašyli pravieści poŭnuju rekanstrukcyju staroj kletki, u jakoj našy rysi pražyli 15 hadoŭ. Ciapier budaŭničyja raboty ŭ samym razhary, i kali budzie hatovaja kletka, składana skazać. Šukajem srodki, budujem. Užo pryniataje rašeńnie, što padłoha ŭ joj budzie bietonnaj», — skazaŭ jon.
Paru rysiaŭ čaści ŭ pačatku 2000-ch padaryli rasijskija kalehi. Ryś-samiec apošnija dva hady žyćcia mocna chvareŭ, u jaho byŭ radykulit, tamu jon kulhaŭ. Žyvioła pamierła ŭ pačatku 2016 hoda, va ŭzroście 16 hadoŭ. Samka rysi paśla śmierci svajho siabra pražyła niadoŭha — mienš za hod.
Ryś zaniesienaja ŭ Čyrvonuju knihu Biełarusi, u krainie žyvie nie bolš za 500 hetych žyvioł, a ŭ Biełaviežskaj puščy — nie bolš za 20. Ryś źjaŭlajecca žyvym simvałam śpiecnaza Unutranych vojskaŭ, hałava hetaj žyvioły namalavanaja na šaŭronie bajcoŭ śpiecnaza.
