Biełaruś nikoli nie była i nie budzie mahilščykam intehracyjnych pracesaŭ na prastory SND», — zajaviŭ ministr zamiežnych spraŭ Uładzimir Makiej 12 studzienia žurnalistam pierad pačatkam pracy pieršaha ŭ hetym hodzie pasiadžeńnia Savieta pastajannych pradstaŭnikoŭ krain SND.
Pry hetym, pavodle słoŭ kiraŭnika MZS, Biełaruś vystupaje za toje, kab ad dziejnaści Sadružnaści «była kankretnaja addača dla krain i narodaŭ».
«Biełaruś zaŭsiody vystupała za toje, kab SND raźvivałasia. My zaŭsiody padtrymlivali intehracyjnyja pracesy na prastory sadružnaści», — zajaviŭ Makiej.
Adznačyŭšy isnujučyja prablemy, kiraŭnik MZS padkreśliŭ, što krainy Sadružnaści «znajšli siły dla taho, kab razam vyrašać prablemy i vykliki, jakija ŭźnikajuć». Pavodle jaho słoŭ, 25 hadoŭ, što prajšli, paćvierdzili zapatrabavanaść arhanizacyi nie prosta jak dyskusijnaj placoŭki, a miesca, dzie prymajucca kankretnyja rašeńni.
Havoračy pra zadačy, Makiej adznačyŭ, što nieabchodna zrabić arhanizacyju bolš mocnaj i zapatrabavanaj. «Tamu było pryniataje rašeńnie ab adaptacyi SND da novych umoŭ», — skazaŭ ministr. Pavodle jaho słoŭ, nieabchodna, u pryvatnaści, uzmacnić efiektyŭnaść arhanizacyi i halinovych orhanaŭ, praanalizavać dziejnuju pravavuju bazu, vyklučyć dakumienty, jakija siabie vyčarpali.
Makiej pierakanany, što ŭ 2017 hodzie pad staršynstvam u SND Rasii «my zmožam zrabić tak, kab dziejnaść Sadružnaści była padniataja na novy ŭzrovień».
