Alaksandr Łukašenka i Abdel Fatach al-Sisi
Aficyjnyja pieramovy prezidenta Biełarusi Alaksandra Łukašenki i prezidenta Jehipta Abdel Fatacha al-Sisi prachodziać u Kairy ŭ pałacy «Al-Itychadyja», pieradaje BiełTA.
Pieramovam papiaredničała cyrymonija aficyjnaj sustrečy Abdel Fatacham al-Sisi kiraŭnika biełaruskaj dziaržavy. Paśla vykanańnia himnaŭ dźviuch krain i cyrymanijału z udziełam roty hanarovaj varty prezidenty sieli za stoł pieramovaŭ. Spačatku sustreča prachodzić u farmacie «sam-nasam», a zatym adbudziecca ŭ pašyranym składzie. Pa jaje vynikach čakajecca padpisańnie šerahu dvuchbakovych dakumientaŭ.
Pałac «Al-Itychadyja» byŭ pabudavany ŭ 1910 hodzie ŭ jakaści hatela «Hieliopalis Pałas». Padčas dźviuch suśvietnych vojnaŭ tut raźmiaščaŭsia špital dla brytanskich sałdat. Zatym hatel stali vykarystoŭvać roznyja ŭradavyja arhanizacyi jak ofis. Tut taksama raźmiaščałasia štab-kvatera Fiederacyi Arabskich Respublik, dziakujučy čamu pałac i atrymaŭ nazvu «Al-Itychadyja», što pierakładajecca z arabskaj movy jak «fiederacyja». U 1980-ch hadach paśla kapitalnaha ramontu i restaŭracyi budynak staŭ rezidencyjaj prezidenta Jehipta.
U Kairy taksama zapłanavanyja sustrečy Alaksandra Łukašenki z premjer-ministram Jehipta Šeryfam Ismaiłam i inšymi aficyjnymi asobami hetaj krainy. Akramia taho, Łukašenka voźmie ŭdzieł u adkryćci biełaruska-jehipieckaha dziełavoha forumu.
Zatym kiraŭnik dziaržavy zrobić aficyjny vizit u Respubliku Sudan.
U Chartumie Alaksandr Łukašenka praviadzie pierahavory z Prezidentam Sudana Amaram Chasanam Achmiedam al-Bašyram. Čakajecca zaklučeńnie šeraha damoŭlenaściej ab raźvićci ŭzajemadziejańnia ŭ roznych śfierach.
Płanujucca taksama sustrečy kiraŭnika biełaruskaj dziaržavy ź vice-prezidentam Sudana Chasabu Abdelrachmanam i staršynioj Nacyjanalnaj asamblei Ibrahimam Amieram.
U stalicy Sudana ŭ čas vizitu Alaksandra Łukašenki projdzie biełaruska-sudanski dziełavy forum.
Aficyjnyja vizity ŭ Jehipiet i Sudan zapłanavanyja na 15—17 studzienia.
