Siadziačy ład žyćcia paskaraje stareńnie kletak na hienietyčnym uzroŭni, raspaviali navukoŭcy ŭ artykule, apublikavanym u vydańni American Journal of Epidemiology.
Pa słovach śpiecyjalistaŭ, kletki starejuć chutčej, kali čałaviek viadzie małaruchomy ład žyćcia. Taksama varta ŭśviedamlać, što faktyčny ŭzrost nie zaŭsiody adlustroŭvaje bijałahičny, h. zn. byvajuć vypadki, kali čałaviek stareje chutčej, čym idzie čas.
Pry siadziačym ładzie žyćcia ŭ arhaniźmie čałavieka ŭzrastaje kolkaść aksidantaŭ i inšych ahresiŭnych malekuł u kletkach. Heta viadzie da anamalna chutkaha skaračeńnia daŭžyni ciełamier — kancavych učastkaŭ chramasom, jakija znachodziacca ŭ jadry kožnaj kletki čałaviečaha arhanizma i abaraniajuć DNK ad paškodžańniaŭ, — i, adpaviedna, da ich paskoranaha stareńnia. Pry kožnym dzialeńni kletki ciełamiery stanoviacca karaciejšymi, a kali ich daŭžyni akazvajecca nie dastatkova dla novaha dzialeńnia, kletka hinie.
Adznačajecca, što daŭžynia ciełamier i ich stan zaležyć nie tolki ad ładu žyćcia, ale taksama i ad ahulnaha stanu arhanizma. Heta značyć, što da źmieny mohuć pryvieści depresija, stres, biednaść, pastajannyja pieražyvańni.
Da adkryćcia navukoŭcy pryjšli paśla nazirańnia za zdaroŭjem amal paŭtary tysiač amierykanak va ŭzroście ad 64 da 95 hadoŭ. Udzielnicy pahadzilisia zdać nieabchodnyja analizy, adznačyŭšy, nakolki aktyŭny ład žyćcia viaduć.
Praanalizavaŭšy atrymanyja dadzienyja, śpiecyjalisty pryjšli da vysnovy, što žančyny, jakija viaduć siadziačy ład žyćcia, faktyčna na dzieviać hadoŭ starejšyja za svaich adnahodak, jakija nie siadziać na miescy.
Takim čynam, adznačyli miedyki, prapahanda siarod piensijanieraŭ aktyŭnaha ładu žyćcia dapamoža prykmietna padoŭžyć im žyćcio. Taksama vielmi važna pryvivać luboŭ da sportu i aktyŭnaha ładu žyćcia z samaha dziacinstva.
