Yolocaust: izrailski satyryk stvaryŭ sajt i pierarablaje sełfi la miemaryjała achviaram Chałakostu FOTAPADBORKA Što vy pra heta ŭsio dumajecie?37
Miemaryjał achviaram Chałakostu ŭ Bierlinie - adzin z samych naviedvalnych kompleksaŭ, pryśviečanych pamiaci jaŭrejaŭ, zabitych nacystami. Akramia taho, heta jašče i vielmi papularnaje siarod turystaŭ miesca dla sełfi. Na fatazdymkach ź miemaryjała, apublikavanych u instahramie pa adpaviednym tehu, možna pabačyć ludziej, jakija paśmichajucca i pazirujuć dla ŭdałaha kadra.
Pra darečnaść takoha ŭzajemadziejańnia z pomnikami, pryśviečanymi Chałakostu, na Zachadzie viadziecca šyrokaja dyskusija. Izrailski satyryk Šachak Šapira pasprabavaŭ pryciahnuć uvahu da hetaj prablemy, zapuściŭšy sajt Yolocaust.
Na Yolocaust vykładvajuć fatahrafii zvyčajnych karystalnikaŭ instahrama, zroblenyja na miemaryjale. Kali padvieści kursor da fatahrafii, fon źmianiajecca na fotazdymak ź niamieckich kancłahieraŭ.
Na sajcie havorycca: kali vy vyjavili svaju fatahrafiju na Yolocaust i chočacie, kab Šachak Šapira vydaliŭ z sajta, varta napisać jamu list.