Pa mienšaj miery 16 čałaviek zahinuli ŭ vyniku katastrofy i pažaru aŭtobusa sa školnikami ŭ italjanskaj Vieronie, paviedamlaje VVS sa spasyłkaj na pažarnuju słužbu krainy.
Pa słovach ratavalnikaŭ, cieły zahinułych mocna abhareli. 39 čałaviek atrymali ranieńni.
Kolkaść achviar i abstaviny zdareńnia ŭdakładniajucca.
Avaryja adbyłasia ŭ horadzie Vierona u noč na 21 studzienia.
Pavodle danych vyratavalnych słužbaŭ, aŭtobus, jaki pieravoziŭ hrupu školnikaŭ va ŭzroście ad 14 da 18 hadoŭ ź Vienhryi, urezaŭsia ŭ słup, paśla čaho pačaŭsia pažar. Školniki viartalisia ŭ Vienhryju paśla kanikuł, jakija jany pravodzili ŭ Francyi.
Kiraŭnik palicyi Džieraljoma Łakuanita paviedamiŭ, što aŭtobus sutyknuŭsia ź pieraškodaj i zahareŭsia niezadoŭha da paŭnočy. Akramia samoha aŭtobusa, inšych udzielnikaŭ DTZ nie było, i pakul niezrazumieła, čamu jon syšoŭ z darohi i nalacieŭ na aharodžu.
Pavodle infarmacyi italjanskaha ahienctva Aha, siarod achviar aŭtakatastrofy moža być francuzski kiroŭca aŭtobusa i členy jaho siamji.
Usiaho ŭ aŭtobusie było kala 50 pasažyraŭ.