U Kobrynskim rajonie palaŭničyja praviali adstreł vaŭkoŭ, jakija prychodzili z terytoryi Ukrainy i trymali ŭ strachu žycharoŭ pryhraničnaj vioski Pavićcie.
Jak paviedamiŭ BiełaPAN kiraŭnik palaŭničaj haspadarki «Safary na Paleśsi» Anton Rudź, pačynajučy ź siaredziny śniežnia ŭ chodzie niekalkich rejdaŭ było zastrelena vosiem vaŭkoŭ. Usie drapiežniki adnoj afarboŭki i prykładna adnoj vahi — 45 kh.
«U zhrai było dziesiać drapiežnikaŭ. U žyvych zastałosia dva, adzin ź ich surjozna paranieny. Jany ŭciakli na ŭkrainskuju terytoryju, — raskazaŭ Rudź. — Ź siaredziny studzienia pieramiaščeńnia vaŭkoŭ u bok vioski nie zaŭvažana. My trymajem situacyju na kantroli i kožnuju noč pravodzim manitorynh».
Paśla taho jak vaŭki zahryźli ŭ vioscy niekalki sabak, viaskoŭcy staralisia ŭ ciomny čas sutak nie vychodzić na vulicu. Ciapier, pavodle słoŭ palaŭničaha, žychary vioski mohuć žyć spakojna.