Polski apieratar sietki hazapravodaŭ kampanija Gaz-System abrała vykanaŭcu, adkaznaha za budaŭnictva novaha hazapravoda «Hiermanavičy — Strachacina», jaki praciahniecca da miažy z Ukrainaj. Jak paviedamlajecca na aficyjnym sajcie kampanii, budaŭnictvam zojmiecca firma PGNiG Technologie.
«Hety hazapravod — važny elemient u spravie intehracyi polskaj hazavaj sistemy ź sistemami Słavakii i Ukrainy», — infarmavała ŭ čaćvier pres-słužba Gaz-System.
Jaho praciahłaść składzie 72 km. Akramia budaŭnictva hazapravoda, płanujecca taksama pašyryć ahulnuju infrastrukturu. Košt rabot aceńvajecca ŭ 288 młn złotych ($ 72 młn), ich zaviaršeńnie zapłanavanaje na 2019 hod.
Paviedamlajecca taksama, što novy hazapravod stanie važnaj častkaj uschodniaj nitki tak zvanaha enierhietyčnaha kalidora Poŭnač — Poŭdzień.
«Meta prajekta — umacavać enierhietyčnuju biaśpieku krainy, madernizavać i pašyryć sistemu pieradačy hazu na paŭdniovym uschodzie Polščy, — śćviardžaje polski apieratar. — Hetaja inviestycyja maje vialikaje značeńnie ŭ kantekście płanavanaha budaŭnictva hazapravoda Polšča — Ukraina, jaki budzie pralahać pamiž vuzłom ŭ Hiermanavičach z polskaha boku i «Bilče-Volica» — z ukrainskaj.
