Tysiačy ludziej uziali ŭdzieł u šeści, zładžanym u centry Maskvy ŭ pamiać apazicyjnaha palityka Barysa Niamcova, zabitaha 27 lutaha 2015 hoda, paviedamlaje VVS.
Zajaŭlenaja kolkaść udzielnikaŭ mierapryjemstva — 30 tysiač čałaviek. Pavodle acenak maskoŭskaj palicyi, u maršy ŭziali ŭdzieł da 15 tysiač.
U šeści ŭdzielničali pradstaŭniki roznych apazycyjnych partyj i ruchaŭ, u tym liku PARNAS, «Jabłyk», «Salidarnaść» i niezarehistravanaja Partyja prahresu Alaksieja Navalnaha.
Razhornuty udzielnikami maršu banier «Pucin — heta vajna» kanfiskavała palicyja, što pryviało da zatrymki pačatku maršu, piša RBK.
Lidaru partyi PARNAS Michaiłu Kaśjanavu, jaki ŭznačaliŭ kałonu, nieviadomy pluchnuŭ u tvar zialonkaj. Rasijskija ŚMI paviedamlajuć, što złamyśnik zatrymany palicyjaj.
Uzhodnieny staličnaj meryjaj maršrut šeścia nie ŭklučaŭ Vialiki Maskvarecki most, dzie adbyłosia zabojstva Niamcova. Marš prajšoŭ pa letašnim maršrucie: ad Puškinskaj płoščy pa bulvarach da Čystych prudoŭ i adtul na praśpiekt Akademika Sacharava.
Reuters
Arhanizatary miarkujuć, što mnohija ŭdzielniki maršu paśla jaho zakančeńnia zachočuć uskłaści kvietki da miesca zabojstva Niamcova.
@aserofeev
Barys Niamcoŭ byŭ zabity 27 lutaha 2015 hoda ŭ centry Maskvy, u pary sotniaŭ mietraŭ ad Kramla.
