U suviazi z anansavanymi napiaredadni ŭ ŚMI akcyjami pratestu, jakija płanujecca pravieści 26 sakavika ŭ roznych haradach Biełarusi, supracoŭniki milicyi praciahvajuć siońnia zatrymlivać patencyjnych udzielnikaŭ akcyj i demakratyčnych aktyvistaŭ. Mnohich zaprašajuć u milicyju pozvami, u niekatorych adbyvajucca pieratrusy.
Babrujsk. U Babrujsku kala damoŭ aktyvistaŭ Inhi Sudziłouskaj i Edvarda Hryniavieckaha dziažurać cichary. Da centralnaj płoščy padciahnuli aŭtazaki, šmat milicyi ŭ cyvilnym.
Babrujski režyser Maksim Bujnicki, jaki siońnia vyjšaŭ z turmy paśla 15 sutak źniavoleńnia za infarmacyju ŭ sacsietkach pra mitynh niedarmajedaŭ 12 sakavika ŭ Babrujsku, znoŭ zatrymany i dastaŭleny ŭ Babrujski RAUS, - paviedamlaje Radyjo Svaboda.
Patelefanavaŭ z Babrujska hałoŭny redaktar haziety «Babrujski kurjer» Anatol Sanacienka, što jaho zatrymali na pł. Pieramohi pry vykanańni im abaviazkaŭ žurnalista.
Zatrymany taksama apieratar Viktar Masałovič, Andrej Šobin i jašče 6 čałaviek. Zatrymana bolš za 15 čałaviek, zatrymańni adbyvajucca navat u kaviarniach i kramach. Taksama zatrymali žurnalista Dźmitryja Susłava z haziety «Kamiercyjny kuŕjer».
Barysaŭ. Siabra Abjadnanaj hramadzianskaj partyi Michaiła Vasiljeva zatrymali 25 sakavika ŭ Barysavie, ale paśla apytańnia ŭ RAUSie advieźli nanač u izalatar časovaha ŭtrymańnia da suda. Sud pavinien pačacca 26 sakavika ŭ 10 hadzin, ale paviedamlajuć, što jon pieraniesieny na paniadziełak.
Biaroza. Žurnalista-fryłansiera i pravaabaroncu Tamaru Ščapiotkinu, jakaja supracoŭničaje ź Biełaruskim Radyjo Racyja, na ranicu 26 sakavika vyklikajuć ŭ RUUS Biarozy.
U Biarozie na vulicy zatrymany pravaabaronca Siarhiej Rusiecki, viazuć u RAUS da vyśviatleńnia abstavinaŭ nibyta niejkaha kradziažu.
Viciebsk. Zatrymany viciebski aktyvist ruchu «Za Svabodu» Chrystafor Žalapaŭ. 26 sakavika jon vyjšaŭ na suviaź i paviedamiŭ, što byŭ na voli da siońniašniaj ranicy, adnak uniknuć zatrymańnia ŭsio ž nie ŭdałosia: milicyja zatrymała jaho doma kala 10-j ranicy. Na dadzieny momant jon znachodzicca ŭ Kastryčnickim RAUS, paviedamlaje Radyjo Svaboda.
Na płoščy ŭ Viciebsku sabrałasia kala 100 čałaviek. Šmat AMAPu i supracoŭnikaŭ u cyvilnym. Ludziej papiaredžvajuć, što akcyja zabaronienaja. Usie trymajucca asobnymi kupkami
Harodnia. Supracoŭnik milicyi Vajcieška pazvaniŭ Anatolu Myškieviču i vyklikaŭ da siabie. Skazaŭ, jość pozva. Myškievič adzin z arhanizataraŭ sieńniašniaj akcyi pratestu, jakaja pryznačana na 12-00.
Mazyr. Pakul biez zatrymańniaŭ. Milicyja sočyć za mitynhoŭcami. Prapanavali razyjścisia i padahnali na płošču aŭtazak. Mahčymy zatrymańni.
Mahiloŭ. Pakul biez zatrymańniaŭ. Kala 50-ci čałaviek.
Maładziečna. Prykładna ŭ 8.10 - 8.20 ranicy ŭ bok h.Maładziečna prajechali 8 mašyn DAI h.Minska, 1 hruzavik AMAPa, 2 hruzaviki ŭnutranych vojskaŭ MUS i 2 mašyny ich supravadžeńnia.
Orša. U Oršy padčas akcyi (vyjšła na Centralnuju płošču kala 100 čałaviek) zatrymany redaktar Rehijanalnaha sajtu orsha.eu Ihar Kaźmierčak, jość jašče zatrymanyja.
Połack. Da miascovaha aktyvista Hienadzia Bierdanieva pryjšli rabić pieratrus Aktyvist miarkuje, što heta źviazana z anansavanym u sacyjalnych sietkach schodam, pryznačanym u Połacku na siońnia.
U Połacku la RUUS zahružajuć u aŭtamabil «Haziel» ščyty i kaskii na milicyjantach.
Z učorašniaha dnia ŭ połackim izalatary časovaha ŭtrymańnia znachodzicca zatrymany ŭčora pravaabaronca Jury Bielski.
Rečyca. Pravaabaronca «Viasny» Valer Pucicki paviedamlaje ŭ fejsbuku, što pad jaho aknom dziažuryć milicyja.
Zatrymali Inu Manienkovu z kampanii «HP» i žurnalista Andreja Miadźviedzieva. Viazuć u RAUS. Łomiacca milicyjaniery i ŭ pryvatny dom Aleha Šabietnika, ale jaho doma niama. Znajšli Šabietnika na rynku i zatrymali.
Zatrymany staršynia Rečyckaj supołki PBNF Aleś Zdaraviennaŭ.
